અભિપ્રાય

તારીખ : ૧૪/૧૧/૨૦૦૮

શ્રી વિજયભાઈ રૂપાણી

આજરોજ લેંગ લાઇબ્રેરીની મુલાકાત લેતા ખૂબ જ પ્રસન્નતા અનુભવી રહ્યો છું. ગ્રંથ પુસ્તકો સાચી મૂડી છે તેની જાળવણી ખૂબ જ મહત્વની છે. તેથી લેંગ લાઇબ્રેરી ખૂબ જ મહત્વની સુંદર કામગીરી કરી રહી છે. સંશોધન-વાંચન માટે હજુ મહત્વની ભૂમિકા લાઇબ્રેરી ભજવે, વાચકો વધે, સભ્યો લબ્રેરીનો ખૂબ લાભ લે તેવી અપેક્ષા.

તારીખ : ૧૪/૦૮/૨૦૦૮

શ્રી ભાગ્યેશ જહા

શ્રાવણ અને સ્વર્ણીમોતસ્વ ભળે અને જે નાદ જન્મે તેના પ્રાચીન પણ હોય અને અર્વાચીન પણ. આજે સ્વતંત્ર દિન ની પૂર્વ- પ્રભા-સંધ્યાએ અનોખું અનુસંધાન રચાયું. લેંગ લાઇબ્રેરી આમ તો લોંગ આયુષ્ય વાળી અને Language-ભાષાના વૈભવથી સુશોભિત છે. સૌ સંચાલકોને અભિનંદન.

તારીખ : ૨૭/૦૯/૨૦૧૪

શ્રી વિનોદ ભટ્

અમને બંને મિત્રોને લેંગ લાઈબ્રેરી જેવી પ્રતિષ્ઠિત લાઈબ્રેરી માં વાંચકો સાથે એક સાંજ ગાળવાની થઈ એ અમારા જીવનનું નયની સંભારણું બની રહેશે.

તારીખ : ૦૫/૦૧/૨૦૧૮

શ્રી શૈલેશ સગપરીયા

પુસ્તક પ્રતિભાવ સ્પર્ધાના વિજેતાઓના પુરસ્કાર વિતરણ કાર્યક્રમ પ્રસંગે હાજર રહેવાનું અને પુસ્તકાલયના દર્શન કરવાનું સૌભાગ્ય પ્રાપ્ત થયું. કોલેજમાં અભ્યાસ કરતો ત્યારની લેંગ લાઈબ્રેરી અને આજની લેંગ લાઈબ્રેરી વચ્ચે બહુ મોટો તફાવત જોવા મળ્યો. પુસ્તકાલયનું સંચાલન કરનારા સૌને વંદન સાથે અભિનંદન.
161 વર્ષનો ઇતિહાસ ધરાવતું આ જ્ઞાન મંદિર રાજકોટ શહેરની શોભા અને ગૌરવ છે.